अहं कस्यास्मि? / डॉ. मदन चंद्र करन /
“अहं कस्यास्मि?” लेखक: डॉ. मदन चंद्र करन इन्द्रप्रस्थस्य विशाल-प्रासादे, सायंकालीन तमिस्रा मृदुलदीपशिखाभिः आलोकिता आसीत्। तत्र, एकान्त-कक्षे, द्रौपदी—याज्ञसेनी—शिलावत् निश्चलत्वेन उपविष्टा आसीत्। नयनयोः प्रज्वलितोऽग्निः, अन्तःकरणे चञ्चलः प्रलय-समीरः, चित्ते केवलं एक एव प्रश्नः— “किमर्थम्…?” श्रुतं तया—अर्जुनेन सुभद्राया हरणं कृत्वा विवाहः कृतः। सुभद्रा—वासुदेवस्य प्रिया भगिनी। तस्याः मनसि संशय-तरङ्गाः उद्भूताः— किं विना माधवस्य अनुमतिं एतत् संभवति? किं स एव एतस्य…
